ყოფილი პრემიერის და ჯანდაცვის ყოფილი მინისტრის ასევე ყოფილ გეგმებს ამირან გამყრელიძე აკრიტიკებს. დაავადებათა კონტროლის ეროვნული ცენტრის ყოფილი ხელმძღვანელი ამბობს, რომ ჯანდაცვის სამინისტროს გეგმები მოუმზადებელი იყო.
,,მივესალმები მხოლოდ ამ გადაწყვეტილებას, რომ შეჩერდა მისი დემონტაჟი და იქნება მეტი კომუნიკაცია როგორც თანამშრომლებთან, ისე სამედიცინო საზოგადოებასთან. რესპუბლიკურის ამ უმნიშვნელოვანესი სამედიცინო დაწესებულების პროექტი არ გვინახავს, ქალბატონო, სურათები იყო რაც მე ვნახე, პროექტი მე არ მინახავს და მხოლოდ ციფრები ნათქვამი, რომ დაჯდება ამდენი. თქვა, რომ 500 საწოლზე ახალ საავადმყოფოზე 400 მილიონი ლარიდან… საუნივერსიტეტო კლინიკების ერთი საწოლის ღირებულება რა არის და ნახავთ თქვენც. ჩემი ქვეყნის შვილი ვარ, ამ დარგის პატრიოტი, ამ საავადმყოფოს ძალიან გულმხურვალე პატრიოტი და ყოველთვის ვისაც დააინტერესებს ხოლმე ჩემი მოსაზრებები, პრობლემა არ არის, რეკომენდაციებს ხშირად გავცემ. რესპუბლიკურის ტერიტორიაზე უნდა შეიქმნას სერიოზული დასავლური სტანდარტების საუნივერსიტეტო კამპუსი”, – თქვა ამირან გამყრელიძემ.
